Литвийн номын сангийн холбооноос албан ёсны дэмжлэг авахаар боллоо

7 сарын 28-ны өглөө Литвийн Вильюс хот дахь Литвийн Үндэсний номын сангийн өмнөх талбайгаас гараагаа эхлэх Cycling for Libraries 2012 арга хэмжээнд оролцохоосоо өмнө 7 хоног дараах хөтөлбөрөөр ажиллана:

Литвийн номын сангийн холбоо болон Хот, тосгодын номын сангуудад зочилж, номын санчидтай уулзаж, туршлага, мэдлэгээ солилцох хүсэлтийг минь

Литвийн Utena хотын номын сангийн нөхдүүд дуртайяа зөвшөөрч, улмаар миний хүсэлтийг үндэслэн 7 сарын 22-27-ны өдрүүдэд Литвийн номын сангууд, номын санчидтай уулзуулах хөтөлбөрийг боловсруулж, зөвшөөрсөн хариултыг илгээсэнд их баяртай байна.

Манай номын сан, Utena хотын номын сан зэрэг Дэлхийн 12 улсын номын сан нь 2010 онд Нийтийн номын сангийн шинэчлэлтийн хөтөлбөр төслийн шалгаруулалтанд тэнцэж, бид Словен улсад уг хөтөлбөрийг хэрэгжүүлэх анхны уулзалт, сургалтанд хамрагдаж байсан.

Cycling for Libraries арга хэмжээнд оролцох хураамжаа PayPal-аар хугацаандаа амжиж төллөө

6 сарын 4-ний өдрөөс өмнө Cycling for Libraries арга хэмжээнд оролцох 250еврогийн хураамжаа эхний ээлжинд хувиасаа /цалин, амралтын мөнгөө аваад/ төлчихлөө. Ингэснээр оролцох эрхээ улам баталгаажуулж чадлаа.

Одоо зохион байгуулагчдаас урилга хүлээн авч, Литвийн визийн асуудлаа хөөцөлдөж, дараа нь ОХУ-аар дамжин өнгөрөх визээ хөөцөлдөх, мөн УБ-Москвагийн 7 сарын 15 өдрийн галт тэрэгний билетээ худалдаж авах ажлууд, гэх мэт бусад ажлууд ээлж дараагаар хүлээж байна.

Бас номын сангийн санхүүгээс Төсвийн тодотгол болон 2011 оны Үндсэн үйл ажиллагааны давсан орлогоос мөнгө буцаан авч миний гадаад томилолтыг санхүүжүүлэхээр хөөцөлдөж байгаа маань хурдан бүтээсэй хэмээн залбиръя даа?